काठमाडौं, झापा र रुकुम (पश्चिम)मा तीनजना मृत अवस्थामा फेला परेका छन् ।
काठमाडौंको दक्षिणकाली नगरपालिका–९ बसिन टोलस्थित भित्री बाटोमा एकजना मृत अवस्थामा फेला परेका छन् ।
मृत फेला पर्नेमा भारत घर भएका ४० वर्षीय तेस्वाङ दोर्जे रहेका छन् ।
त्यस्तै, झापाको मेचीनगर नगरपालिका–१२ पिपलडाँगीस्थित धान खेतमा सोही नगरपालिका शरेडाँगी बस्ने ७६ वर्षीय दुर्गा बहादुर मुखिया मृत अवस्थामा फेला परेका छन् ।
केन्द्रीय प्रहरी समाचार कक्षका अनुसार रुकुम (पश्चिम), त्रिवेणी गाउँपालिका–४ कुरल बस्ने २५ वर्षीया मनकला खड्का पनि मृत फेला परेकी छन् । उनी घर नजिकै बारीमा मृत अवस्थामा फेला परेकी हुन् ।
तीनै घटनामा अनुसन्धान भइरहेको प्रहरीले जनाएको छ ।
