गायक राजेशपायल राईको स्वरमा ‘फर्कन छोरा’ बोलको गीतको भिडियो सार्वजनिक भएको छ । सार्वजनिक भिडियोमा विविध कारणले विदेशिएका युवाहरुको घरमा एक्लिएका बाबु–आमाको निरश जीवन र पीडाको कथा चित्रण गरिएको छ ।
प्रविण खतिवडाले निर्देशन गरेको भिडियोमा महेश पौडेलको छायांकन र कृष्ण भण्डारीको सम्पादन रहेको छ । गीतमा केशव शर्मा दाहालको शब्द तथा संगीत र संगीत संयोजन चन्दु गोर्खालीको रहेको छ ।
भिडियोमा कमलमणि नेपाल र सरिता गिरिले मुख्य भूमिकामा अ भिनय गरेका छन् । उनीहरुका अलावा भिडियोमा अन्य रंगकर्मी कलाकारहरुको पनि अभिनय देख्न सकिन्छ ।
भिडियोको छायांकन काभ्रेको रयाले, बनेपा, तिनपिप्लेलगायतका स्थानहरुमा गरिएको हो । भिडियो केशव एस.दाहाल अफिसियल युट्युब च्यानलमार्फत सार्वजनिक गरिएको छ ।
