लुटपाट गरी हत्या गरेको आरोपमा ३ जना पक्राउ परेका छन् ।
पक्राउ पर्नेमा वीगरञ्ज-७ रामटोलका राहुल महर्जन, विक्की भन्ने दिप लामा तामाङ र बाराको फेटा-३ का धनन्जय रजक रहेको छन् । सोही घटनामा संग्लन भारतको विहार राज्य मोतिहारी जिल्लाका रवि सर्राफ फरार रहेको जिल्ला प्रहरी कार्यालय पर्साले जनाएको छ ।
उनीहरुले काठमाडौं बस्ने सर्लाहीको लालबन्दी-१ का सुजन भन्ने ज्ञानु पाख्रिनलाई वीरगञ्ज बोलाएर हत्या गरेको प्रहरीले जनाएको छ ।
साउन १३ गते काठमाडौंबाट बोलाइएका सुजनलाई रक्सी खुवाइएको थियो । प्रहरीका अनुसार अर्कोदिन बियर किन्न जाने बहानामा वीरगञ्ज ७ रामटोलस्थित एकान्त स्थानको खाली जग्गामा लक लगाई घाँटी अँठ्याएर हत्या गरिएको थियो ।
हत्यापछि उनीहरुको मृतकको सुनको सिक्री, सुनको औँठी, घडी र नगद १० रुपैयाँ लुटपाट गरेको प्रहरीले जनाएको छ ।
पक्राउ परेकालाई कर्तव्य ज्यान सम्बन्धी कसूरमा पर्सा जिल्ला अदालतबाट ७ दिनको म्याद थपेर अनुसन्धान भइरहेको र लुटपाट गरेको अन्य धनमाल लिएर फरार रहेका सर्राफको खोजी भइरहेको प्रहरीले जनाएको छ ।
