सप्तरीको छिन्नमस्ता गाउँपालिका–३ स्थित छिन्नमस्ता भगवतीको हराएको चाँदीको मुकुट भेटिएको छ।
आइतबार साँझ चोरी भएको मुकुट सोमबार बिहान भेटिएको जिल्ला प्रहरी कार्यालय सप्तरीले जानकारी दिएको छ। विष्णुपुर गाउँपालिका-५ मझाउ गाउँबाट मुकुट भेटएिको जिल्ला प्रहरी कार्यालय सप्तरीका प्रवक्ता डीएसपी माधव काफ्लेले जानकारी दिए।
प्रहरीले मुकुटसँगै मानसकि अस्वस्थ्यता भएका स्थानिय राजेशकुमार मण्डललाई पनि नियन्त्रणमा लिएको छ। मण्डलको साथबाट मुकुट फेला परेको र यसबारे थप अनुसन्धान भइरहेको प्रहरीले जानकारी दिएको छ।
