अटोमेटिक पेस्तोलको कारोवार गर्ने क्रममा दाङमा २ जना भारतीय पक्राउ परेका छन् ।
जिल्लको गढवा गाउँपालिका वडानम्वर १ जुरौलीबाट पेस्तोलसहित २ जनालाई पक्राउ गरेको जिल्ला प्रहरी कार्यालय दाङले जनाएको छ । प्रमुख प्रहरी उपरीक्षक सुरेश कुमार काफ्लेले पक्राउ पर्नेमा भारतको सिद्धार्थनगर नगरपञ्चायत बढनी वडानम्वर ३ का २२ वर्षिय करमुल्लाह आमिर र सोही ठाउँ वडानम्वर ८ का १९ वर्षिय राजा खान रहेको जानकारी दिए ।
उनीहरुको साथबाट एक थान अटोमेटिक चाइनिज पेस्तोल, २ थान म्यागजिन र २ थान गोली बरामद भएको छ । पेस्तोललाई करिव ३ लाख रुपैयाँ पर्ने काफ्लेले बताए ।
