बिहिबार बार्सीलोनाले अर्जेन्टीनी स्टार लियोनल मेस्सीसँग नयाँ करार नगर्ने जानकारी दियो। यससँगै गत मगंलबार पिएसजीका खेलाडीहरुसँग मेस्सीले खिचाएको फोटोको चर्चा शुरु भएको छ।
एन्जल डि मारियाले मगंलबार आफ्नो इन्स्टाग्राममा हालेको तस्विरमा मेस्सी पिएजीका खेलाडीहरुको साथमा देखिएका छन्। तस्विरमा मेस्सीको साथमा नेयमार जुनियर, एन्जल डि मारिया, लियान्द्रो परेदेश र मार्को भेराटी अगाँलो हालेको देखिएका छन्।
एकातिर बार्सिलोनाले मेस्सीसँग करार थप नगर्नु र अर्कातिर पिएसजीका खेलाडीहरुसँग मेस्सीको हेलमेल बढ्नुले मेस्सी पिएसजीमा जाने अड्कलबाजी शुरु भएको छ।
पहिले पनि एउटै क्लवबाट खेलिसकेका मेस्सी र नेयमारलाई फेरी एउटै जर्सीमा देख्न पाउने आशा धेरै फुटबलप्रेमीको छ।
