मन्त्रिपरिषद् विस्तारबारे छलफल गर्न नेकपा (माओवादी केन्द्र) का अध्यक्ष पुष्पकमल दाहाल ‘प्रचण्ड’ प्रधानमन्त्री शेरबहादुर देउवा भेट्न बालुवाटार पुगेका छन्।
दाहालले आफ्नो पार्टीबाट सरकारमा सहभागी हुने मन्त्रीहरुको नाम टुँगो लगाईसकेकाे बताइएकाे छ भने नेकपा (एमाले) को माधव कुमार नेपाल समूह सरकारमा आउने वा नआउने भन्नेबारे टुँगो लागेको छैन्।
प्रधानमन्त्री देउवाले नेपाल समूहलाई पनि सरकारमा सहभागी गराउने सोच बनाएकाे भएपनि नेता नेपालले भने अहिले नै आफ्नो समूह सरकारमा नजाने जवाफ दिएको बुझिएको छ।
प्रधानमन्त्री देउवाले आज/भोलिभित्रै सरकारलाई पूर्णता दिने तयारी थालेका छन्।
