भारत गुजरातको सूरतमा एक अचम्मको घटना सार्वजनिक भएको छ, जहाँ एक महिलाले पुरै गाउँको अगाडि केटीको कपाल काटिदिइन्।
कपाल काट्ने महिलाको श्रीमानसँग ती युवतीको अवैध सम्बन्ध रहेको शंकामा महिलाले युवतीको कपाल काटिदिएकी हुन्। सम्पूर्ण घटनाको भिडियो अहिले भाइरल भइरहेको छ।
भिडियोमा ती युवती चिच्याउँदै आफूलाई बचाउन बिन्ती गर्छिन्, तर उनलाई बचाउन कोहि आउँदैनन्। भाइरल उक्त भिडियो सूरतको पलसाना तहसीलको तातिथैया गाउँको हो।
पीडित युवतिको बयान लिएर प्रहरीले उजुरी दर्ता गरेको छ। प्रहरीले मुख्य आरोपी महिलासहित अन्य दुई पुरुषहरुलाई पक्राउ गरेको छ। यस बिषयमा अनुसन्धान भइरहेको प्रहरीले जनाएको छ।
