काठमाडौं — बलिउडका दिग्गज र बरिष्ठ अभिनेता अनुपम श्याम ओझाको ६३ बर्षको उमेरमा मृत्यु भएको छ ।
अभिनेतालाई ६ दिन अघि गोरे गाउँको एक निजी अस्पतालको आईसीयूमा भर्ना गरिएको थियो । उक्त अस्पतालमा उनको आइतबार राति मृत्यु भएको हो ।
फिल्म निर्माता अशोक पण्डितले सामाजिक सञ्जालमा एउटा पोस्ट सेयर गरी उनको मृत्युबारे जानकारी गराएका छन् । श्यामको शरीरका धेरै अंगहरुले काम नगरेपछि मृत्यु भएको हो ।
उनको मृत्युपछि प्रशंसकहरुसहित बलिउड र टिभी सेलिब्रेटीहरुले उनलाई श्रद्धाञ्जली दिएका छन् ।
