चर्चित गायक तथा मोडल दुर्गेश थापाको ‘बीच्चबीच्चमा’ को पाँचौँ सिक्वेल रिलिज भएको छ। ‘बीच्चबीच्चमा– ५’ बोलको गीत सोमबार युट्युबमार्फत रिलिज गरिएको हो।
भिडियोसहित रिलिज भएको गीतमा गायक दुर्गेश थापा र बसन्त थापाको स्वर रहेको छ। भिडियोमा अभिनेता पल शाह र स्वयं थापाको मुख्य भूमिका छ। गीतमा संगीत र शब्द पनि गायक थापाकै रहेको छ। ‘डि सिरिज’ युट्युव च्यानलबाट सार्वजनिक भएको गीतको भिडियोमा निर्देशन तथा कोरियोग्राफी काजिश श्रेष्ठको रहेको छ।
दुर्गेश थापाले यसअघि हिन्दु महिलाहरुको महान पर्व तीजलाई लक्षित गरी सार्वजनिक गरेको ‘बीच्चबीच्चमा’ कै चौथो सिक्वेल ‘ख्यास्स पुतली’ बोलको गीत विवादमा आएको थियो। उनलाई राष्ट्रिय लोक तथा दोदोरी गीत प्रतिष्ठानले कारबाही स्वरुप साधारण सदस्य समेत नरहने गरी निष्काशन गरेको छ।
गीतमा प्रयोग भएको शब्द र शैलीका कारण आफू विवादमा तानिएपछि उनले दर्शकसँग माफी मागेका थिए।
