काठमाडौं — हिन्दु महिलाहरुको महान पर्व हरितालिका तीजको आगमन सुरु हुनै लागेसँगै तीजका गीतहरुले बजार तताउन थालेको छ । तीजको समयमा अरु समयको तुलना भन्दा धेरै गीतहरु युटुबमा सार्वजनिक हुने गरेको छ ।
तीजकै अवसर पारेर गायक प्रेम बरालको ‘गोजीमा गाँठ’ बोलको गीत युटुबमा सार्वजनिक भएको छ । गायक स्वंयम प्रेम बरालको शब्द तथा संकलनमा यो गीत तयार भएको हो ।
पोखराको मनोरम दृष्यमा छायांकन गरिएको यस गीतको भिडिओलाई म्युजिक नेपालको युटुब च्यानबाट सार्वजनिक गरिएको छ ।
‘केही समय अघि गायिका कोमल वली दिदिले गोजीमा गाँठ भएको व्यक्ति खोजेर गीत सार्वजनिक गर्नुभएको थियो । त्यसैको प्रति जवाफको रुपमा यो गीत तयार गरेका हौं’, गायक प्रेम बरालले भने’, तीज नजिकिँदा अलि कति मनोरञ्जन होस् भन्ने हेतुले मैले व्याङ्गत्मक गीत सिर्जना गरेको हो ।’
दिपक जोशीको छायांकन रहेको उक्त गीतलाई सदिश जोशीले सम्पादन गरेका हुन् । सन्दिप पौडेलको निर्देशनमा तयार भएको उक्त गीतलाइ मस्र्याङ्गदी फिलिम्सले तयार गरेको हो ।
