कैलालीको गोदावरी नगरपालिका - ८ स्याउमा नेपाली सेनाको स्काइ ट्रकले ठक्कर दिँदा घाइते भएकी किशोरीको मृत्यु भएको छ।
दुर्घटनामा गम्भिर घाइते भएकी धनगढी उपमहानगरपालिका– ११ की १५ वर्षीया विद्या रानाको धनगढीस्थित नवजीवन अस्पतालमा उपचारका क्रममा मृत्यु भएको हो। पूर्वबाट पश्चिम तर्फ आइरहेको प्रदेश ३ – ०१ –००१ ग ३७३२ नम्बरको सेनाको ट्रकले म २ प २१७८ नम्बरको मोटरसाइकलाइ ठक्कर दिदाँ ३ जना घाइते भएका थिए।
अन्य २ जना घाईतेको धनगढीस्थित निसर्ग अस्पतालमा उपचार भइरहेको जिल्ला प्रहरी कार्यालय कैलालीले जनाएको छ। घाइते हुनेमा धनगढी उपमहानगरपालिका-५ जाईका १७ वर्षीय कृष बम र वडा नम्बर ३ का ३४ वर्षीय उमेश कार्कीको रहेका छन।
