नेपाली कांग्रेसका केन्द्रीय सदस्य धनराज गुरुङले पार्टी सभापति तथा प्रधानमन्त्री शेरबहादुर देउवालाई ‘मलाई शेरबहादुर मनपर्छ’ भन्ने प्रवृत्तिबाट सुझाव दिएका छन् ।
आज बसेको कांग्रेस केन्द्रीय समितिको बैठकमा गुरुङले देउवालाई ‘मलाई शेरबहादुर देउवा मनपर्छ’ भन्ने प्रवृत्तिबाट सजग हुन सुझाव दिएका हुन् ।
‘आई लभ यु बा’ भन्ने निवर्तमान प्रधानमन्त्री केपी ओलीलाई सिंहदरबारबाट बाल्कोटको बार्दलीमा पुर्याएको प्रसंग उल्लेख गर्दै उनले सुझाव दिएका छन्, ‘सभापति ज्यु ! तपाईं प्रम बनेपछि कांग्रेसमा पनि ‘मलाई शेरबहादुर मनपर्छ’ भन्ने प्रवृत्ति सुरु भएछ । भिडिओ देख्दा झसङ्ग भएँ । यस्तो प्रवृत्तिबाट सजग हुनुहोस् ।’
केही दिनयता प्रधानमन्त्री देउवाको नाममा खोलेको भाइबर ग्रुपमार्फत ‘मलाई शेरबहादुर देउवा मनपर्छ, किन भने’ शीर्षकमा विभिन्न भिडियो सार्वजनिक भएका थिए । तिनै भिडियाको कांग्रेस नेताहरुले विरोध जनाइरहेका छन् ।
