प्रधानमन्त्री निवास बालुवाटारमा नागस्थानको स्थापना गरिएको छ।
शुक्रबार नाग पञ्चमीको अवसरमा प्रधानमन्त्री निवास बालुवाटारमा नागस्थानको स्थापना गरि विधिवत रूप पूजा अर्चना गरिएको प्रधानमन्त्री शेरबहादुर देउवा पत्नी आरजुले बताएकी छन्।
आरजुले सामाजिक सञ्जालमा स्टाटस लेख्दै भनेकी छन्, ‘किम्बदन्ती अनुसार यहाँको बगैंचा र पोखरीमा नाग र नागीनको बास रहेको भन्ने छ। पहिले पूर्व प्रधानमन्त्री स्वर्गीय सूर्य बहादुर थापाज्युकी धर्म पत्नीज्यूले यहाँ पूजा गर्नुहुन्थ्यो, तर त्यसपछि सो पूजाको चलनलाई निरन्तरता दिन नसकिएको कुरा बुझ्नमा आएको छ।
बालुवाटारमा कार्यरथ पूर्व र वर्तमान कर्मचारीहरुले नाग र नागीनको दर्शन पाएको कुरा पनि बताएको उनले उल्लेख गरेकी छन्। त्यसकारण बालुवाटारमा नाग र नागीनी स्थानको स्थापना गरिएको आरजुले स्पष्ट पारेकी छन्।
