भारतमा आज स्वतन्त्रता दिवस मनाइदैँ छ। अगस्त १५ अर्थात आजकै दिन भारतले ब्रिटिश शासनबाट स्वतन्त्रता पाएको थियो।
७५ औँ स्वतन्त्रता दिवसको अवसरमा भारतीय प्रधानमंत्री नरेन्द्र मोदीले कोभिड १९ सँग लड्न भारतलाई सहयोग गर्ने स्वास्थ्यर्मी र वैज्ञानिकहरुको प्रशंसा गरेका छन्। उनले कोरोना भायरसको संक्रमणबाट ज्यानगुमाएकाहरु प्रति श्रद्धाञ्जलि व्यक्त गदैँ भने, 'उनीहरुलाई गुमाएको पीडा सधैँभरि रहने छ।'
उनले थपे, 'भाइरसको दोस्रो लहरले धैरे मानिसहरुलाई संक्रमित बनाए अब भने तेस्रो लहरको डर छ।' आइतबार दिल्लीको ऐतिहासिक लाल किला परिसरबाट सम्बोधन गर्दै प्रधानमन्त्री मोदीले भारतको खोप अभियानको प्रशंसा गर्दै भने भारतमा ५ करोड भन्दा बढी मानिसहरुले कम्तीमा खोपको एक डोज पाएका छन् भने भारतमा मात्र १२ प्रतिशतले पूर्ण खोप लगाएका छन्।
सरकारले यस बर्षको अन्त्यसम्म सबै वयस्कहरुलाई खोप लगाउने लक्ष्य राखेको छ। उनले खोप अभावका कारण भने यो अभियान अबरुद्ध भएको बताए। मोदीले टोकियो खेलकुदमा भारतले गरेको ऐतिहासिक प्रदर्शन, देश विकासको लक्ष्य, अर्थव्यवस्था र जलवायु परिवर्तनलगायतका बिषयमा पनि चर्चा गरे।
