पछिल्लो २४ घण्टामा थप २०७५ जनामा कोरोना भाइरस संक्रमण पुष्टि भएको छ ।
१३ हजार ७५ नमुना परिक्षण गर्दा १४२४ जनामा पीसीआर र ६५१ जनामा एन्टीजेटमार्फत संक्रमण पुष्टि भएको स्वास्थ्य मन्त्रालयले जनाएको छ ।
योसँगै कुल संक्रमितको संख्या ७ लाख ४५ हजार ७३१ पुगेको छ । जसमध्ये ३९ हजार ३२१ सक्रिय संक्रमित छन् ।
शनिबार कोरोनाबाट ३० संक्रमितको मृत्यु भएको छ । हालसम्म १० हजार ४८५ जनामा कोरोना संक्रमणबाट मृत्यु भएको मन्त्रालयले जनाएको छ ।
पछिल्लो २४ घण्टामा २३८३ संक्रमित निको भएका छन् । हालसम्म ६ लाख ९५ हजार ९२५ निको भएका छन् । निको हुने प्रतिशत ९३.३ हो ।
शनिबार काठमाडौंमा ४८३, ललितपुरमा १०३ र भक्तपुरमा ८१ संक्रमित थपिएका छन् ।
हाल ७१८ संक्रमित सघन उपचार कक्षमा १६६ संक्रमित भेन्टिलेटरमा रहेका छन् ।
पछिल्लो २४ घण्टामा ६३ हजार ९६३ जनाको कोरोना खोप लगाएका छन् ।
