काठमाडौंको एमयुएफसि विजयचोक युथ क्लवले यसपटकको शहिद स्मृती सि डिभिजन को छनोट प्रतियोगितामा सहभागिता जनाउने भएको छ।
खेलकुद र विशेषगरी सामाजिक कार्यहरुमा सकृय रहेको क्लवले यसपटक अखिल नेपाल फुटबल संघ (एन्फा)ले आयोजना गर्ने प्रतियोगिताको लागि छनोट खेल्न निर्णय गरेको हो।
यो क्लव बेलायती फुटबल टिम म्यानचेस्टर युनाईटेडको समर्थकहरुले सन् २०१२ मा खोलेका हुन्। पहिले हप्ताको एक दिनमात्र भेला भएर म्यानचेस्टरको सम्मानमा गतिवीधि गर्दै आएको थियो।
पछि नैकाप गोल्डकप, शुटर्स कपजस्त प्रतियोगितामा सहभागिता जनाएको विजयचोक युथ क्लवले यसपटक राम्रो तयारीका साथ शहिद स्मृती कपको छनोट खेल्न लागेको क्लवका व्यवस्थापक विवेक थापाले जानकारी दिए।
‘हामीले विशेषगरी सामाजिक गतिविधीहरु गरिरहेका थियौ,’ व्यस्थापक थापाले भने, ‘यसपटक देखी व्यवसायिक रुपमै फुटबल प्रतियोगिताहरुमा सहभागिता जनाउन लागेका छौ।’
