दाेश्राे टेष्टमा इगंल्याण्डविरुद्द शानदार जित निकालेको भारतीय क्रिकेट टोली तेश्रो टेष्टको पहिलो पारीमा निरिह देखिएको छ।
लिड्समा जारी खेलको पहिलो दिन भारती व्याटरहरु इगंल्याण्डका बलरसामु टिक्न सकेनन्। लज्जास्पद प्रदर्शन गर्दै उनीहरु पहिलो दिन मै ७८ रनमा अलआउट भए।
टस जितेर पहिले व्याटिङमा उत्रिएको भारतीय टोलीलाई धरासायी बनाउने कार्यको थालनी गरेका जेम्स एण्डरसनले ३ व्याटरहरुलाई पवेलियनको बाटो देखाए भने क्रेग ओभरटनले पनि ३ विकेट लिए। यस्तै ओली रोबिनसन र साम कुर्रानले समान २–२ विकेट हात पारे।
भारतका ओपनर रोहित शर्माले १९ रन र अजनिक्य रहाणेले १८ रन बाहेक अन्य व्याटरहरुले दोहोरो अंकमा रन बटुल्न सकेनन्।
