शहिद मेमोरियल सि डिभिजन लिगको छनोट खेल्ने घोषणा गरेको एमयुएफसि विजयचोक युथ क्लवसँग प्रभु पे आधिकारिक रुपमा जोडिएको छ।
ईग्लिस प्रिमियर लिग क्लव म्यानचेष्टर युनाइटेडको समर्थकहरुले खोलेको यस क्लवसँग प्रभु पे पेमेन्ट गेटवे पार्टनरको रुपमा जोडिएको हो।
बुधबार यस विषयमा प्रभु पे र विजयचोक युथ क्लवविच आधिकारिक सम्झौता समेत भएको छ। ‘शुरुआती चरणमै यस्तो साथ पाउनु हाम्रो लागि खुशीको कुरा हो,’ क्लवका व्यवस्थापक विवेक थापाले भने, ‘यसले हामीलाई अझै राम्रो गर्न हौसला दिएको छ।’
विजयचोक युथ क्लवले मगंलबार मात्र यसपटकको शहिद स्मृती सि डिभिजनको छनोट प्रतियोगितामा सहभागिता जनाउने घोषणा गरेको थियो।
खेलकुद र विशेषगरी सामाजिक कार्यहरुमा सकृय रहेको क्लवले यसपटक अखिल नेपाल फुटबल संघ ९एन्फा०ले आयोजना गर्ने प्रतियोगिताको लागि छनोट खेल्न निर्णय गरेको हो।
यो क्लव बेलायती फुटबल टिम म्यानचेस्टर युनाईटेडको समर्थकहरुले सन् २०१२ मा खोलेका हुन्। पहिले हप्ताको एक दिनमात्र भेला भएर म्यानचेस्टरको सम्मानमा गतिवीधि गर्दै आएको थियो।
