पोर्चुगलका स्टार फरवर्ड क्रिस्टियानो रोनाल्डोले इटालेली क्लब युभेन्टस छाडेका छन् ।
स्काई स्पोर्ट्समा प्रकाशित समाचारअनुसार रोनाल्डोले ट्रेनिङपछि उनले युभेन्टसका खेलाडीलाई गुड वाइ (अन्तिम भेट) भनेका छन् । क्लबसँगको उनको सम्झौता यो वर्ष मात्रै बाँकी थियो ।
३६ वर्षीय चर्चित फुटबलर रोनाल्डोले शुक्रबार बिहान क्लबको कन्टिनासा ट्रेनिङ ग्राउन्डमा डेढ घण्टा मात्रै बिताएका थिए । सो समयमा उनले लकर खाली गरे र साथीहरुसँग विदा भए ।
उनी अब म्यानचेस्टर सिटी जाने समाचारमा बताइएको छ ।
