पछिल्लो २४ घण्टामा थप २२९५ जनामा कोरोना भाइरस संक्रमण पुष्टि भएको छ ।
१६ हजार २३३ नमुना परीक्षण गर्दा थप २२९५ जनामा कोरोना भाइरस संक्रमण पुष्टि भएको स्वास्थ्य मन्त्रालयले जनाएको छ । योसँगै नेपालमा कोरोना संक्रमितको कुल संख्या ७ लाख ६१ हजार १२४ पुगेको छ ।
सोमबार कोरोना संक्रमणबाट १६ जनाको मृत्यु भएको छ । योसँगै नेपालमा कोरोनाबाट मृत्यु हुनेको संख्या १० हजार ७३० पुगेको छ ।
त्यस्तै आज १८०८ संक्रमित निको भएका छन् । हालसम्म ९३.९ प्रतिशत संक्रमित निको भइसकेका छन् ।
हाल ३५ हजार ८७४ सक्रिय संक्रमित छन् ।
मन्त्रालयका अनुसार हाल देशभर ३३ हजार ३३३ जना संक्रमित होम आइसोलेसनमा रहेका छन् । २ हजार ५४१ जना संक्रमित संस्थागत आइसोलेसनमा, ५६८ जना आईसीयू र १६० जना भेन्टिलेटरमा उपचाररत् छन् ।
