कला क्षेत्रमा देखाएको सक्रियता र प्रतिभाको कदर गर्दै अभिनेत्री तथा मोडल साक्षी लम्साललाई सम्मानित गरीएको छ ।
रिबन इन्टरटेनमेन्टले एक समारोहकाबीच युवा प्रतिभा लम्साललाई चलचित्रकर्मी सम्मान प्रदान गरेको हो । जनता टेलिभिजन र कान्तिपुर टेलिभिजनमा भिजेका रुपमा समेत काम गरिसकेकी लम्सालले दर्जनबढी म्यूजिक भिडियोका साथै केही नाटक र चलचित्रमा समेत अभिनय गरेकी छिन् ।
रिबन इन्टरटेनमेन्टले आफ्नो सातौं वार्षिकोत्सवको अवसरमा शनिबार राजधानीमा आयोजित विशेष कार्यक्रमका बिच लम्सालसँगै विभिन्न कलाकर्मी तथा समाजसेवीहरु पनि सम्मानित गरे ।
सम्मानित हुनेमा अभिनेता धिरेन शाक्य, चलचित्र निर्देशकहरू सुदर्शन थापा, राजेन्द्र उप्रेती, राजु अधिकारी, म्युजिक भिडियो निर्देशक विधान कार्की, रंग पत्रकार जीवन पराजुली, गीतकार दयाराम पाण्डे, संगीतकारहरू अर्जुन पोखरेल, दीपक शर्मा, समाजसेवी अनुप के। बराल, रंग संयोजक रेनिश फागो, व्यवसायी बालकृष्ण पोखरेल, फेशन कोरियोग्राफर अश्विनी कान्त झा, रेडियो कार्यक्रम प्रस्तोता महेश लिम्बू, कलाकारहरू प्रेम पाण्डे, प्रदीप बास्तोला, गायिका सरिता भारती लगायत छन् ।
रिबन इन्टरटेन्मेन्टका अध्यक्ष निशु झाले भने सम्मानित व्यक्तित्वहरूले आआफ्नो क्षेत्रमा राष्ट्रिय स्तरका उत्कृष्टता हासिल गरेका कारण सम्मानित गरिएको हो ।
