मेष (चु, चे, चो, ला, लि, लु, ले, लो, अ
आज धर्मकर्म, तथा समाजसेवामा मन लाग्नेछ। अरुको मन जित्न सकिनेछ। शुभकार्यको योजना हुनेछ, तर साँझमा भने खर्च बढ्नेछ।
वृष (इ, उ, ए, ओ, वा, वि, वु, वे, वो)
आज चिताएको कामले तीव्रता लिनेछ। व्यापारव्यवसायबाट फाइदा लिन सकिनेछ । महिला मित्रबाट विशेष सहयोग मिल्नेछ।
मिथुन (का, कि, कु, घ, ङ, छ, के, को, हा)
आज जोशजाँगर र हिम्मत बढ्नेछ। नयाँ काम वा रोजगार पाइनेछ । राजनैतिक कार्यमा सफलता मिल्ला । शुभकार्यको चर्चा पनि चल्नेछ।
कर्कट (हि, हु, हे, हो, डा, डि, डु, डे, डो)
आज कार्यमा सम्पादनमा समस्या आउला। पारिवारिक उल्झनमा परि काम बिग्रिएला। सरकारी निकायको भय पनि रहनेछ।
सिंह (मा, मि, मु, मे, मो, टा, टि, टु, टे)
मङ्गल कार्यको योजना बन्नेछ। कृषि कार्यमा सहभागी भइएला। नयाँ रोजगारको अवसरले पछ्याउनेछ। स्वादिष्ट खानेकुरा पनि मिल्नेछ।
कन्या (टो, पा, पि, पु, ष, ण, ठ, पे, पो)
आज नयाँ र शुभकार्यको चर्चा चल्नेछ। कुनै कुराले मनमा शान्ति छाउला। सफलता र उपहार पाइने सम्भावना पनि रहेको छ।
तुला (रा, रि, रु, रे, रो, ता, ति, तु, ते)
आज आफ्नो क्षेत्रमा प्रभुत्व जमाउन सकिएला। धनार्जनका नयाँ स्रोतहरू पत्ता लाग्नेछन्। दाम्पत्य जीवन सुखमय नै रहनेछ।
वृश्चिक (तो, ना, नि, नु, ने, नो, या, यि, यु)
स्वास्थ्यप्रति सजग रहनुहोला अन्यथा धन खर्च हुनेछ। शरीर भारी र मन अस्थिर रहने संकेत देखिन्छ। मनमा चञ्चलता बढ्नेछ।
धनु (ये, यो, भा, भि, भु, धा, फा, ढा, भे)
आज धार्मिक र सामाजिक कार्यमा रुचि बढ्नेछ। वित्तिय संस्थाबाट सहयोग पाइनेछ। प्रेम र मित्रताको बन्धन कसिने बेला छ।
मकर (भो, जा, जि, जु, जे, जो, ख, खि, खु, खे, खो, गा, गि)
दूरदराजमा वा परदेशमा रहेका आफन्तसँग प्रविधि मार्फत भेटघाट हुनेछ। रोकिएका व्यापार व्यवसाय विस्तारै सुचारु हुन सक्छ।
कुम्भ (गु, गे, गो, सा, सि, सु, से, सो, दा)
आजबाट आयआर्जनका क्षेत्रमा सुधार विस्तारै आउनेछ। बुद्धिको उपयोग गर्दा जटिल ठानिएको कामसमेत सम्पादन हुन सक्नेछ।
मीन (दि, दु, थ, झ, ञ, दे, दो, चा, चि)
आज मानसिक चिन्ता बढेपनि कार्यक्षेत्रमा प्रगति नै हुनेछ। अरुलाई प्रभावित पारेर काम बन्नेछ। कला र गलाको प्रभाव बढ्नेछ।
राशिफल जे जस्तो भएपनि तपाईंको दिन शुभ रहोस्।
- ज्यो.प. नारायणप्रसाद दुलाल
