नेकपा एमालेका उपाध्यक्ष वामदेव गौतमले पार्टीबाट राजीनामा दिएका छन्।
माधव कुमार नेपाल नेतृत्वको नेकपा (एकिकृत समाजवादी)मा सहभागी हुनका लागि उनले पार्टीबाट राजीनामा दिएका हुन्। उनले शुक्रबार कार्यालय सचिव शेरबहादुर तामाङलाई राजीनामा बुझाएका हुन्।
कार्यालय सचिव शेरबहादु्र तामाङलाई बुझाएको राजीनामा पत्रमा वामदेवले पार्टी अध्यक्ष केपी शर्मा ओलीको तिखो आलोचना गरेका छन्। उनले एमालेका नेताहरुको व्यक्तिगत सम्बन्ध कायम रहने तर, एमालेमा रहन नसक्ने उल्लेख गरेका छन्।
