कैलालीको मनहरा नदीमा नुहाउने क्रममा बेपत्ता भएका दुई जना मृत फेला परेका छन् ।
गोदावरी नगरपालिका—१ स्थित मनहरा नदीमा बेपत्ता भएका १४ वर्षीय अयुग थापा र १० वर्षीय योगेन्द्र थापा मृत अवस्थामा फेला परेको प्रहरीले जनाएको छ । शुक्रवार नदीमा नुहाउने क्रममा दुवै जना बेपत्ता भएका थिए ।
नदीमा दुवै जना बेपत्ता भएको खबरपछि नेपाली सेना, सशस्त्र प्रहरी, नेपाल प्रहरीको संयुक्त टोली खोजी कार्यमा खटिएको थियो ।
खोजतलास गर्दै जाँदा घटनास्थलभन्दा १० मिटर टाढा दुवै जना मृत भेटिएको र सशस्त्र प्रहरीको गोताखोर टोलीले शव नदीबाट निकालेको इलाका प्रहरी कार्यालय मालाखेतीले जनाएको छ ।
