पछिल्लो २४ घण्टामा थप १२६८ जनामा कोरोना संक्रमण पुष्टि भएको छ ।
योसँगै कुल संक्रमितको संख्या ७ लाख ८२ हजार २९५ पुगेको छ । जसमध्ये ३१ हजार ८२६ सक्रिय संक्रमित छन् ।
शनिबार २१९५ संक्रमित निको भएका छन् । हालसम्म ९४.५ प्रतिशत निको भइसकेको स्वास्थ्य मन्त्रालयले जनाएको छ ।
पछिल्लो २४ घण्टामा कोरोना संक्रमणबाट ९ जनाको मृत्यु भएको छ । योसँगै कोरोनाबाट मृत्यु हुनेको संख्या १० हजार ८१८ पुगेको छ ।
आज काठमाडौंमा २८९, ललितपुरमा ५३ र भक्तपुरमा ४४ संक्रमित थपिएका छन् ।
