पछिल्लो २४ घण्टामा थप १०८९ जनामा कोरोना भाइरस संक्रमण पुष्टि भएको छ ।
स्वास्थ्य मन्त्रालयका अनुसार ५१७० पीसीआर परीक्षण गर्दा ९७६ जना र २८०१ एन्टिजेन परीक्षण गर्दा १३ गरी १०८९ जनामा कोरोना भाइरस संक्रमण पुष्टि भएको हो ।
योसँगै नेपालमा कुल संक्रमितको संख्या ७ लाख ६९ हजार २७१ पुगेको मन्त्रालयले जनाएको छ । जसमध्ये सक्रिय संक्रमित संख्या ३१ हजार २४८ जना रहेका छन् ।
आइतबार कोरोना संक्रमणबाट २० जनाको मृत्यु भएको छ । योसँगै कोरोना संक्रमणबाट मृत्यु हुनेको संख्या १० हजार ८३८ पुगेको छ ।
आइतबार १५३४ जना संक्रमित निको भए । हालसम्म ७ लाख २७ हजार १८५ जना निको भएका छन् । निको हुने दर ९४.५ प्रतिशत छ ।
हाल ५२३ संक्रमित आईसीयू र १६२ जना संक्रमित भेन्टिलेटरमा उपचाररत् छन् ।
