पूर्व सचिव भीम उपाध्यायले त्रिचन्द्र कलेज विद्यालय मात्रै नभएर इतिहास भएको बताएका छन् ।
एक शताब्दी लामो गौरवपूर्ण इतिहास बनाएको कलेज जीर्ण अवस्थामा रहेको बेला सामाजिक सञ्जालमा स्टाटस लेख्दै पूर्व सचिव उपाध्यायले त्रिचन्द्र कलेज विद्यालय मात्रै नभएर इतिहास र सम्पदा रहेको बताएका हुन् ।
उनले त्रिचन्द्र कलेजको प्रधानमन्त्री शेरबहादुर देउवाले तत्काल जीर्णोद्वारको घोषणा गर्नुपर्ने बताएका छन् ।
उनले भनेका छन्, ‘प्रधानमन्त्री शेरबहादुर देउवा पनि त्रिचन्द्र कलेजमै पढेका थिए । त्रिचन्द्र कलेज विद्यालय मात्रै होइन, इतिहास हो सम्पदा हो । प्रमले तत्काल जीर्णोद्वारको घोषणा गरून् ।’
पुरातात्विक महत्वको त्रिचन्द्र कलेजको भवनमा पानी चुहिँन थालेको, भुईंमा लेउ लागेको, बर्खे झार जंगलले घेरिएको लगायतका विषयमा विभिन्न सञ्चार माध्यममा समाचार आइरहेका छन् ।
