मादी नगरपालिका–१, खोला गाउँका एकै परिवारका ६ जनाको हत्या भएको छ ।
स्थानीय ५८ वर्षीया तेजबहादुर कार्की, उनकी आमा ८० वर्षीया पार्वता कार्की, श्रीमती ५६ वर्षीया मनमाया कार्की, २८ वर्षीया बुहारी रञ्जना कार्की, १० वर्षीय नाती दिपक कार्की र ५ वर्षीया नातिनी गोमा कार्कीको हत्या भएको हो । उनीहरूको सामूहिक हत्या भएको हुनसक्ने स्थानीयहरुको भनाइ छ ।
वडाध्यक्ष खेमनाथ कटुवालका अनुसार घटना भएको घरमा घरमुली ८० वर्षीय बौद्धमान कार्की मात्र जीवित छन् ।
जिल्ला प्रहरी कार्यालयका प्रमुख डीएसपी लालध्वज सुवेदीले अज्ञात समूहले धारिलो हतियार प्रयोग गरी उनीहरूको हत्या गरेको बताए ।
सोमबार बिहान छिमेकीले सबैलाई मृत अवस्थामा भेटेपछि प्रहरीलाई जानकारी गराएका थिए ।
घटनाको अनुसन्धानका लागि डीएसपी सुवेदीसहितको प्रहरी टोली घटनास्थलतर्फ लागेको छ ।
घटनाको थप विवरण आइसकेको छैन ।
