अनेरास्ववियू (क्रान्तिकारी) का केन्द्रीय अध्यक्ष रञ्जित तामाङले एमसीसी कुनै हालतमा पास गर्न नदिने बताएका छन् ।
आरआर क्याम्पसमा आयोजित एक कार्यक्रममा बोल्दै उनले एमसीसी राष्ट्र हितमा नभएकाले यो कुनै पनि जोडबलले पास गर्न नदिने बताएका हुन् ।
सरकारले राष्ट्रिय अस्मिता र स्वाभिमानको रक्षा नगरे कडा आन्दोलनमा उत्रिने उनले बताए ।
अनेरास्ववियू क्रान्तिकारीका उपाध्यक्ष सुरेन्द्र बस्नेतले स्वाभिमानको रक्षा नगरे सरकारविरुद्ध कडा आन्दोलन गर्ने बताए ।
बस्नेतले एमसिसी र जय सिंह धामी प्रकरणमा सरकारलाई खुट्टा नकमाउन आग्रह गरे ।
अमेरिकी हस्तक्षेप स्वीकार्य नहुने र एमसीसी सच्चिएर आउनुपर्ने उनले बताए ।
