प्रदेश २ को आमसञ्चार प्राधिकरणले आन्तरिक मामिला तथा सञ्चार मन्त्री भरतप्रसाद साहलाई ७ बुँदे ज्ञापनपत्र बुझाएको छ ।
बिहीबार प्राधिकरणका अध्यक्ष श्यामसुन्दर यादवले मन्त्री शाहलाई ७ बुँदे ज्ञापनपत्र बुझाएको हो ।
ज्ञापनपत्रमा प्रदेश २ का सञ्चारगृहहरुमा जडान गरिएको विद्युत लाइन काट्ने कार्य अविलम्ब स्थगन र कोरोना महामारी अवधिको विद्युत महशुल पूर्ण रुपमा मिनाहा गर्न माग गरिएको छ ।
विद्युत महशुल बुझाउन सञ्चार माध्यमलाई ६ महिनाको समय सिमा दिन, विद्युत महशुलमा विशेष छुट दिन, लाइसेन्स नविकरणमा विशेष छुट तथा जरिवाना मिनाहा दिन र बढी विद्युत खपत हुने सञ्चारगृहहरुका लागि सरकारी अनुदानमा सोलार सिस्टमको व्यवस्था गर्न माग गरिएको छ ।
