पपुवा न्युगिनी (पीएनजी) सँगको दोस्रो एकदिवसीय खेलमा नेपालले टस जितेर ब्याटिङ रोजेको छ । खेल ४ः१५ बजेपछि सुरू हुनेछ ।
दोस्रो खेलमा नेपालको प्लेइङ ११ मा तीन खेलाडी परिवर्तन गरिएको छ । आज ब्याट्सम्यान शरद भेषावकर, आरिफ शेख र पवन सराफलाई विश्राम दिएर करण केसी, विनोद भण्डारी र सुशान भारीलाई समावेश गरिएको छ ।
नेपालले आईसीसी विश्वकप लिग–२ अन्तर्गत अमेरिका र ओमान सम्मिलित त्रिदेशीय शृंखला खेल्नुअघि पीएनजीसँग म्याच खेलिरहेको हो ।
शृंखलाअन्तर्गतको पहिलो खेलमा नेपालले २ विकेटको जित हासिल गरेको थियो ।
नेपालको प्लेइङ ११: ज्ञानेन्द्र मल्ल (कप्तान), कुशल भुर्तेल, आसिफ शेख, सन्दीप लामिछाने, करण केसी, विनोद भण्डारी, सोमपाल कामी, रोहितकुमार पौडेल, कुशल मल्ल, सुशान भारी र विक्रम शोब ।
