प्रतिनिधिसभाको बैठकमा अर्थमन्त्री जनार्दन शर्माले आर्थिक अध्यादेशलाई प्रतिस्थापना गर्ने विधेयक प्रस्तुत गरेका छन् ।
गत जेठ १५ गते तत्कालीन अर्थमन्त्री विष्णुप्रसाद पौडेलले प्रस्तुत गरेको थिए ।
प्रतिस्थापन विधेयकमा पौडेलले प्रस्तुत गरेको बजेटको आकार, चालु खर्च र आन्तरिक ऋणको परिणाम घटाइएको छ ।
सरकारले केपी शर्मा ओली नेतृत्वको सरकारले ल्याएको बजेटको आकार घटाएको छ ।
शुक्रबार अर्थमन्त्री शर्माले प्रतिस्थापन विधेयक मार्फत १६ खर्ब ३२ अर्ब ८३ करोड रुपैयाँ बजेट प्रस्तुत गर्दै ओली सरकारले ल्याएको बजेट अकार घटाएका हुन् ।
ओली सरकारले अध्यादेशमार्फत ल्याएको बजेटको तुलनामा १६ अर्ब ७४ करोड रूपैयाँले बजेटको आकार घटाइएको छ ।
– बैठक र भ्रमण भत्ताको बजेट कटौती गरेर कोरोना खोपलाई ५ अर्ब छुट्याइयो ।
– दीर्घ रोगीले मासिक ५ हजार पाउने ।
– काठमाडौंका १० स्थानमा विपन्न नागरिकलाई खानाको बन्दोबस्त गरिने ।
– पाँच लाख गरिबलाई १० हजारका दरले पैसा दिइने ।
– कोरोनाबाट रोजगारी गुमाएकालाई प्रतिपरिवार १० हजार दिने ।
– निवर्तमान प्रधानमन्त्री केपी ओलीले अघि बढाएका १४ सय सडक निर्माण स्थगित ।
– वाणिज्य बैंकका शाखाले पालिकामा ५०० युवालाई सहुलियत कर्जा दिनुपर्ने ।
– राजनीतिक परिवर्तनका लागि बलिदान गर्ने परिवारको लागि मासिक ३ हजार भत्ता प्रदान गर्ने ।
– मेलम्चीको पानी आगामी चैतसम्म काठमाडौं ल्याइने ।
– किसान कृषि तथा पशु बिमामा ८० प्रतिशत अनुदान ।
– कर्णालीका गरिबका लागि ३ महिने कार्यक्रम सञ्चालन गरिने ।
– आर्थिक वृद्धिदर ७ प्रतिशत, मूल्य वृद्धिदर ६.५ प्रतिशत बढ्ने अनुमान ।
– चैतभित्र सबैलाई कोरोना खोप दिइने ।
पूर्णपाठ हेर्न यहाँ क्लिक गर्नुहोस्ः
