एमाले स्थायी कमिटी बैठक स्थगित भएको छ । शुक्रबार अपराह्नका लागि तय भएको स्थायी कमिटी बैठक अब शनिबार बिहान बस्ने भएको छ ।
संसद् बैठक बसेका कारण स्थायी कमिटी बैठक शनिबार बिहानका लागि सार्नुपरेको एमाले कार्यालय सचिव शेरबहादुर तामाङले जानकारी दिए । उनका अनुसार स्थायी कमिटी बैठक शनिबार बिहान तुल्सीलाल स्मृति प्रतिष्ठानमा बस्ने तय भएको छ ।
एमालेले आगामी ४–६ असोजमा बस्ने विधान अधिवेशनका लागि प्रतिनिधि चयन, दस्तावेज लेखन र व्यवस्थापनको तयारीका लागि बैठक बोलाएको हो ।
