नेपालले पीएनजीलाई २३४ रनको लक्ष्य दिएको छ ।
नेपालले ४९.२ ओभरमा सबै विकेट गुमाउँदै २३३ रन बनायो ।
नेपालका लागि रोहित कुमार पौडेल र करण केसीले सानदार ब्याटिङ गरे । पौडेलले १२३ बलमा ८८ र केसीले २६ बलमा ४२ रन बनाए ।
एकदिवसीय क्रिकेटमा रोहित र करणको यो करियरकै उत्कृष्ट ब्याटिङ हो । यसअघि यो प्रारूपमा पौडेलको उच्च स्कोर ५५ रन थियो भने करणको उच्च स्कोर १८ रन थियो ।
त्यस्तै, कप्तान ज्ञानेन्द्र मल्ले ४५, विनोद भण्डारीले १७, सोमपाल कामीले ११ रन बनाए । अन्य ब्याट्सम्यानले दोहोरो अंकमा रन बनाउन सकेनन् ।
बलिङमा पीएनजीका चाड सोपरले सर्वाधिक तीन विकेट लिए ।
