काठमाडौं– बुधबारबाट कक्षा १२ को परीक्षा शुरू भएको छ। यसअघि दुईपटक स्थगित गरिएको परीक्षा आजबाट शुरु हुन भएको हो।
आजदेखि सुरु भएको परीक्षा असोज ८ गतेसम्म सञ्चालन हुनेछ। परीक्षामा परीक्षामा ३ लाख ७४ हजार ४ सय १३ परीक्षार्थी सहभागी हुँदै छन्।
परीक्षामा सहभागी सबै विद्यार्थीलाई कोभिडविरुद्धको खोप लगाएपछि परीक्षा सञ्चालन हुँदै छ। पछिल्लोपटक परीक्षा शुरु हुनु ८ दिनअघि साउन २३ गते परीक्षा स्थगित गरिएको थियो। आजबाट शुरु भएको परीक्षामा आफ्नै विद्यालयमा परीक्षा केन्द्र कायम गरिएको छ।
