आईसीसी विश्वकप लिग–२ अन्तर्गत अमेरिकासँगको एकदिवसीय म्याचमा टस हारेर ब्याटिङ गरिरहेको छ । यी दुई टिमबीचको खेल ४ः१५ बजेदेखि सुरु भएको छ ।
आजको खेलमा नेपाले प्लेइङ ११ मा एक खेलाडी परिवर्तन गरेको छ । नेपालले बिक्रम सोबलाई विश्राम दिएर गुल्शन झालाई मौका दिएको छ । गुल्शनको यो डेब्यू म्याच हो ।
अमेरिकासँगको पहिलो खेलमा विजयी भएको नेपाल दोस्रो खेलमा ओमानसँग पराजित भएको थियो । ओमानसँग पराजित भएकाले नेपालले अमेरिकाविरुद्ध उत्कृष्ट प्रदर्शन गर्दै लय समात्न चाहन्छ ।
यो समाचार तयार पार्दासम्म नेपालले ५ ओभरमा एक विकेट गुमाएर १४ रन बनाएको छ । नेपालका आशिफ शेख ३ रन बनाएर क्याच आउट भएका छन् ।
नेपालको प्लेइङ–११: कुशल भुर्तेल, आसिफ शेख, ज्ञानेन्द्र मल्ल (कप्तान), रोहितकुमार पौडेल, कुशल मल्ल, विनोद भण्डारी (विकेटीपर), करण केसी, सोमपाल कामी, गुल्शन झा, सन्दीप लामिछाने र सुशान भारी ।
