काठमाडौं– पछिल्लो २४ घण्टामा देशभर १ हजार ५५८ जना कोभिड संक्रमित थपिएका छन्। १२ हजार ३८५ वटा नमुनाको परीक्षण गर्दा १ हजार ५५८ जनामा संक्रमण पुष्टि भएको हो।
योसँगै नेपालमा आजसम्म सक्रिय संक्रमितको संख्या २५ हजार ४९७ पुगेको छ।
त्यस्तै, पछिल्लो २४ घण्टामा १० जनाको मृत्यु पुष्टि भएको छ। योसँगै नेपालमा कोभिड संक्रमणका कारण मृत्यु हुनेको संख्या ११ हजार १२ पुगेको छ।
त्यस्तै, आज १ हजार ३५१ जना संक्रमणमुक्त भएको स्वास्थ्य तथा जनसंख्या मन्त्रालयले जनाएको छ।
