‘स्वास्थ्यका लागि खेलकुद, पर्यटनका लागि खेलकुद’ भन्ने मूल नाराका साथ सिन्धुपाल्चोक जिल्ला स्तरीय खुल्ला पुरुष डबल ब्याडमिन्टन प्रतियोगिता हुने भएको छ ।
जिल्लाको पाँचपोखरी थाङ्पाल गाउँपालिका–४ थाङ्पालककोटको आयोजनामा २०७८ को विजय दशमी तथा दीपावलीको शुभकामनासहित असोज २३ गतेदेखि २५ गतेसम्म रैथाने र वडा नं. ४ को कार्यालयको खेल मैदानमा प्रतियोगिता हुने भएको हो ।
प्रतियोगितामा प्रथम हुनेले पुरस्कार नगद रु ३० हजारसहित कप, मेडल र प्रमाणपत्र प्राप्त गर्ने छन् भने दाश्रो र तेस्रो हुनेले क्रमशः नगद रु. २० हजार र १० हजार सहित कप, मेडल र प्रमाणपत्र प्राप्त गर्ने छन् ।
वेस्ट अफ थ्री नकआउटको आधारमा खेलाइने खेलमा ए र बी पोल छुट्याएर नेपाल ब्याडमिन्टन सङ्घको नियम अनुसार खेलाइने वडाध्यक्ष राम बहादुर तामाङले बताए ।
प्रतियोगितामा सहभागी हुन इच्छुकहरूले असोज २० गते साँझ ५ बजेसम्म आवेदन दर्ता गरिसक्नुपर्ने छ ।
