ल्याण्डिङ गियरमा समस्या देखिएपछि गन्तव्यमा अवतरण हुन नसकेको बुद्ध एयरको विमान अहिले अवतरण भएको छ।
काठमाडौंबाट विराटनगरका लागि उडेको बुद्ध एयरको विमानको ल्याण्डिङ गियरमा समस्या देखिएपछि सो विमान अवतरण गर्न नसकेर काडमाडौं फर्किएको थियो। ‘पाङ्ग्रामा समस्या देखिएर अवतरण हुन सकेको थिएन्’, त्रिभुवन विमानस्थलका एक कर्मचारीले नेपाली पब्लिकसँग भने, ‘अहिले विमान अवतरण भइसकेको छ।’
विमानमा समस्या देखिएपछी अवतरण हुन नसकेर काठमाडौंको आकाशमा फर्किएर केहिबेर होल्ड भएको थियो। विमानलाई काठमाडौंमा आकस्मिक अवतरण गराउने तयारी समेत भइसकेको थियो।
त्यसका लागि त्रिभुवन विमानस्थलमा बारुणयन्त्र र एम्बुलेन्स समेत तयारी अवस्थामा राखिएको थियो।
