इन्टर्नशिप गर्ने व्यवस्था मिलाउन माग गर्दै आन्दोलनरत चिनमा एमबिबिएस अध्ययन गरेका विद्यार्थीहरुमाथी मगंलबार प्रहरीले बल प्रयोग गरेको छ।
काठमाडौं बाँसबारीस्थित नेपाल मेडिकल काउन्सिलमा प्रदर्शन गर्ने क्रममा विद्यार्थीहरुमाथी प्रहरीले बल प्रयोग गरेको छ। ‘२०१५ र २०१६ व्याचका विद्यार्थीहरुको प्रदर्शन थियो,’ विद्यार्थी अनिस रेग्मीले भने, ‘प्रहरीले बल प्रयोग गरेर प्रदर्शनमा हस्तक्षेप गरेको छ।’
कोरोना महामारीका कारण चीनमा इन्टर्नसिप पुरा गर्न नपाएका विद्यार्थीहरुले निरन्तर आन्दोलन गर्दै आएका छन्। बारम्बार ताकेता गर्दा पनि सरकारले आफ्नो माग सम्बोधन नगर्दा सयौँ विद्यार्थीहरुको भविष्य अन्यौलमा परेको विद्यार्थीहरुले गुनासो गरेका छन्।
