जिल्ला प्रशासन कार्यालयले भिडभाड र सभा जुलुस नगर्न आग्रह गरेको छ ।
बिहीबार सूचना जारी गर्दै प्रशासन कार्यालयले कोरोना संक्रमण जोखिम कायमै रहेकोले भिडभाड र सभा जुलुस नगर्न आग्रह गरेको हो ।
योसँगै अब काठमाडौं जिल्लामा आजदेखि अनावश्यक रुपमा भीडभाड, मेला महोत्स र सभा जुलुस आदि गर्न नपाइने भएको छ । अर्को आदेश नभएसम्मका लागि सो निर्णय गरिएको हो ।
काठमाडौंका प्रमुख जिल्ला अधिकारी गोविन्दप्रसाद रिजालद्वारा जारी आदेशमा घर बाहिर मानिसहरु जम्मा हुन नपाउने, भीडभाड गर्न नपाउने, सभा जुलुस गर्न नपाउने, जात्रा महोत्सव र भोज आदि गर्न नपाउने भनिएको छ ।
नजिकिँदै गरेको चाडपर्वको समयमा बढी भीडभाड एवं जोखिमयुक्त क्षेत्रहरु एवं यात्रा गर्दा हुन सक्ने चोरी, ठगी, लुटपाटजन्य गतिविधिबाट सर्वसाधारण सचेत रहनने, यात्रा गर्दा आधिकारिक टिकट काउण्टरबाट मात्र टिकट लिएर यात्रा गर्ने तथा सवारी साधनको छतमा यात्रा गर्न नपाउने पनि आदेशमा भनिएको छ ।
