एभरेष्ट प्रिमियर लिग क्रिकेट (ईपीएल)मा ललितपुर प्याट्रियोट्सले विराटनगर वारियर्सलाई ३७ रनले पराजित गरेको छ ।
२२७ रनको लक्ष्य पछ्याएको विराटनगरले निर्धारित ओभरमा ८ विकेट गुमाएर १८९ रन मात्रै बनाउन सक्यो ।
विराटनगरका लागि दिलशान मुनावीराले ५९, चन्द्र पौल हेमराजले २८, आशिफ शेखले ३७ र सिकन्दर राजाले २४ रन बनाए ।
ललितपुरका लागि अज्मतुल्लाह ओमराजीले ४, ललित राजबंशीले २ र योगेन्द्र सिंह कार्कीले एक विकेट लिए ।
टस हारेर पहिला ब्याटिङ गरेको ललितपुरले निर्धारित ओभरमा ५ विकेट गुमाएर २२६ रन बनाएको थियो ।
ललितपुरका लागि सान्दुन विराक्कोडीले ७३, अज्मतुल्लाह ओजराजीले ५८, कुशल भुर्तेलले ३२, योगेन्द्र सिंह कार्कीले २७, नारायण जोशीले १८ र जयकिशन कोलसावालाले १३ रन बनाए ।
विराटनगरका लागि करण केसीले २, सिकन्दर राजा, प्रतिस जिसी र दिल्सन मुनवेराले एक एक विकेट लिए ।
योसँगै डिफेन्डिङ च्याम्पियन ललितपुरले स्पष्ट २ अंक जोड्दै तालिकामा ३ अंक बनाएको छ ।
