भजनशिरोमणी सुरसम्राट भक्तराज आचार्य पद्मश्री साधना सम्मानबाट विभूषित भएका छन्।
आचार्यलाई खेमलाल–हरिकला लामिछाने प्रतिष्ठानले बुधबार सम्मानित गरेको हो। गैरआवासिय नेपाली एवम् उद्यमी जीवा लामिछानेको माता–पिताको नाममा स्थापित प्रतिष्ठानले सुरसम्राट आचार्यलाई सम्मानित गरेको हो।
आचार्यका छोरा एवम् संगीतकर्मी सत्य–स्वरुप आचार्यले सामाजिक सञ्जालमार्फत यसबारे जानकारी दिएका छन्।
