लागू औषधसहित दुईजना पक्राउ परेका छन् । पक्राउ पर्नेमा मकवानपुरको हेटौडा–३ का २६ वर्षीय सुमन न्यौपाने र सोही ठाउँका रोशन लामा रहेका छन् ।
न्यौपाने र लामालाई वीरगञ्ज महानगरपालिका वडा नं.१६ वाईपास जय माँ वैष्णवदेवी मन्दिर अगाडि रजतजयन्ती चोकबाट आउने क्रममा बा.४ च १०२१ नम्बरको कार जाँच गर्ने क्रममा लागू औषधसहित पक्राउ गरिएको पर्सा प्रहरीले जनाएको छ ।
उनीहरूको साथबाट Wincirex एक सय एमएलको २३७ बोत्तल र नाईट्राभेट ट्याब्लेट ६०० पिस कार्टुन गाडीको पछाडि सिटमुनी राखिएको अवस्थामा बरामद गरिएको हो ।
उनीहरूविरुद्ध लागू औषध सम्बन्धी कसूरमा अनुसन्धान अगाडि बढाइएको प्रहरीले जनाएको छ ।
