प्रतिनिधिसभाको बैठक सुरू भएको छ । संसद भवन नयाँ बानेश्वरमा बैठक दिउँसो २ बजे सुरू हुनेवित्तिकै एमालेले अवरोध गरेको छ ।
सभामुख अग्निप्रसाद सापकोटाले बैठकमा अवरोध नगर्न एमाले सांसदलाई आग्रह गरे । तर, उनको आग्रह एमाले सांसदले नमानेपछि बैठक अवरोधकै बीच सुरू गरिएको छ ।
संसद् सचिवालयका अनुसार आजको बैठकमा प्रधानमन्त्री शेरबहादुर देउवाले राष्ट्रिय दलित आयोगको वार्षिक प्रतिवेदन आर्थिक वर्ष २०७७–०७८ पेश गर्नेलगायतका विषय कार्यसूची छन् ।
