नेकपा एमालेका अध्यक्ष केपी शर्मा ओलीले महाधिवेशन गर्न नसक्ने गरी कांग्रेस बुढो भएको बताएका छन् ।
सिन्धुपाल्चोक–काठमाडौं सम्पर्क मञ्चद्वारा शनिवार आयोजित शुभकामना आदानप्रदान कार्यक्रममा सम्बोधन गर्दै ओलीले महाधिवेशनको मिति सारिरहेकोप्रति कटाक्ष गर्दै महाधिवेशन गर्न नसक्ने गरी कांग्रेस बुढो भएको बताएका हुन् ।
महाधिवेशन गर्न नसक्ने कांग्रेसले एमालेसँग प्रतिस्पर्धा गर्न नसक्ने ओलीले दाबी गरे ।
‘अहिले ९, १०, ११ कहिले गर्ने भनेको, त्यो पनि नसक्ने भनिसके । यो कुनै हिसाबले कांग्रेसले रिति पुर्याउने कुरा हो । महाधिवेशन गर्न सक्ने क्षमता नै कांग्रेससँग समाप्त भइसक्यो । महाधिवेशन नै आयोजना गर्न नसक्ने अशक्त हालतमा कांग्रेस बुढो भयो । कांग्रेस बुढो भयो । विचार बुढो भयो । केही पनि छैन’, उनले भने ।
