नेपालमा थप ४०८ जनामा कोरोना भाइरस संक्रमण पुष्टि भएको छ ।
७ हजार ८९९ जनाको कोरोना परीक्षण गर्दा सो संख्यामा संक्रमण पुष्टि भएको स्वास्थ्य मन्त्रालयले जनाएको छ । शनिबार पनि ५ सय भन्दा कममा संक्रमण पुष्टि भएको थियो ।
आइतबार ५१८ संक्रमित निको हुँदा संक्रमणमुक्त हुने दर ९७.४ प्रतिशत छ ।
आइतबार कोरोना संक्रमणबाट थप ८ जनाको मृत्यु भएको छ । हालसम्म कोरोना संक्रमणबाट मृत्यु हुनेको संख्या ११ हजार ४०७ पुगेको मन्त्रालयले जनाएको छ ।
हाल देशभर ९ हजार ३ सय ७६ सक्रिय संक्रमित छन् । पछिल्लो समय सक्रिय संक्रमित पनि घट्दै गइरहेको मन्त्रालयले जनाएको छ ।
