कर्णाली प्रदेश सरकारको नेतृत्व छाड्न नेपाली कांग्रेसले माओवादी केन्द्रलाई अल्टिमेटम दिएको छ ।
कांग्रेस सांसद हिमबहादुर शाहीका अनुसार माओवादीलाई सरकारको नेतृत्व छाड्न सोमबार अपरान्ह ४ बजेसम्मको समयसीमा दिएको छ ।
सो अवधिसम्म माओवादीले सरकारको नेतृत्व नछाडेमा बैठक बसेर अगाडिका कदमबारे निर्णय लिइने उनले बताए ।
मुख्यमन्त्री महेन्द्र बहादुर शाहीको सत्ता संकट परेका बेला कांग्रेस र तत्कालीन एमालेका (माधव नेपाल पक्ष) सांसदले विश्वासको मत लिएर सरकार जोगिएको थियो । सो क्रममा ६ महिनापछि कांग्रेसले कर्णाली प्रदेश सरकारको नेतृत्व गर्ने सहमति भएको थियो ।
