प्रदेश १ का मुख्यमन्त्री भीम आचार्यले राजीनामा दिएसँगै नेकपा एमालेले सबै सरकार गुमाएको छ ।
तत्कालीन वाम गठबन्धनबाट एमालेको नेतृत्वमा चार प्रदेश सरकार थिए । नेकपा एकता भंग तथा एमाले विभाजनपछि एमालेले गण्डकी, लुम्बिनी, वागमती र प्रदेश १ को सरकारको नेतृत्व गुमाएको हो ।
योसँगै अब एमाले केन्द्रदेखि प्रदेशसम्म प्रतिपक्षी दल भएको छ ।
यसअघि केन्द्र सरकारको नेतृत्व गरेका एमाले अध्यक्ष रहेका तत्कालीन प्रधानमन्त्री केपी शर्मा ओली अदालतको आदेशपछि सरकारबाट बाहिरिएका थिए ।
एमालेपछि केन्द्र सरकारको नेतृत्व कांग्रेस सभापति शेरबहादुर देउवा प्रधानमन्त्री बनेका छन् ।
यसअघि एमालेले नेतृत्वको गरेको गण्डकीमा हाल कांग्रेस, लुम्बीनीमा माओवादी र वागमतीमा नेकपा एकीकृत समाजवादी पार्टीले सरकार चलाइरहेका छन् । प्रदेश १ मा पनि समाजवादीले नेतृत्व गर्दैछ ।
